Contatâ il Consei di Fedora

Il Consei di Fedora al dopre dôs mailing lists.

council-discuss (une volte "board-discuss") e je une liste publiche. La sotscrizion e je vierte a ducj, stesse robe pai archivis. Cheste liste e je il pont di discussion principâl pal Consei di Fedora, e l’obietîf de liste al è chel di rivâ a cjapâ decisions opûr chel di delegâ il fîl dal discors a un lûc plui apropriât. Par esempli, i discors specifics di inzegnerie a podaressin vê cualchi coment su council-discuss, prime di sei indreçâts te liste di disvilup par lâ insot te discussion.

council-private e je une liste privade. La cualifiche di membris e je riservade ai membris dal Consei corints e i siei archivis a son privâts. Cheste liste e ven doprade dome par argoments che no si puedin tratâ te liste publiche council-discuss.

Tantis voltis al è pussibil cjatâ i membris dal Consei ancje sul canâl IRC #fedora-council su irc.freenode.net

Se tu âs un probleme che al interesse il Consei tu puedis ancje vierzi un cartelin su la istance Pagure dal Consei. Chest al è un sisteme public par gjestî e risolvi i problemis. Dut câs, se tu âs un particolâr probleme che al interesse dâts sensibii pe riservatece o pe sigurece, tu puedis segnâ la casele Private cuant che tu creis il cartelin. Se un probleme nol è sensibil la discussion e varès di stâ intal viert, te istance di Pagure publiche o te liste council-discuss.