Il Leader dal Progjet Fedora

Il Leader dal Progjet Fedora (o FPL) al è il responsabil finâl di dut ce che al sucêt dentri di Fedora e in particolâr al è il responsabil pal mantigniment des relazions tra Red Hat e Fedora. Lui/Je al è/e je il president di Fedora, l’aministradôr delegât, il diretôr, il sorecjâf cence pôre, clamilu ce mût che tu vûs. Dut câs il leader dal progjet nol è un ditatôr, benvolent o mancul. Il FPL al fâs di president al Consei di Fedora.

Matthew Miller al è il corint Leader dal Progjet Fedora. Al à puartât indenant la iniziative Fedora.next par frontâ in maniere strategjiche la seconde desene di Fedora, e cussì ancje la transizion dal consei di Fedora al model di consei corint. Matthew al à creât la distribuzion BU Linux pe universitât di Boston tal 1999 e le à mantignude fintal 2008, cuant che si è spostât ae Scuele di Inzegnerie e Siencis Aplicadis di Harvard, par lavorâ su elaborazions a altis prestazions e cheste robe che e sta rivant clamade “cloud”. Al è in Red Hat dal 2012, prime lavorant su Fedora Cloud e dopo deventant FPL in Jugn, 2014.

Tu cjatis Matthew come mattdm su Freenode IRC, cussì ancje @mattdm su Twitter, o te mailing-list Council-Discuss mailing list.