Politichis adizionâls

  • Il consei si fasarà cjalantsi in muse ogni an a Novembar. La regjon e dipendarà de posizion dai membris dal consei di volte in volte. O fasarìn riunions di persone ancje al Flock e DevConf.CZ pai membris dal consei presints.

  • Fedora Magazine al è il sît pes comunicazions ai utents e il Blog de comunitât al è il sît pes comunicazions ai colaboradôrs.

  • Il consei al sosten une miôr eficience te infrastruture par fâ in mût che al vegni fat di plui, ancje cuant che chest al significhe lâ vie de infrastruture ospitade “in cjase” e mantignude di bessôi.

  • Il progjet Fedora al desidere puartâ indenant il software libar e viert e, tant che cuistion pragmatiche, o ricognossìn che vuê cualchi esigence infrastruturâl e pues vignî sodisfate miôr cun struments che no son libars e a son sierâts. Duncje il consei al p ben disponût tal acetâ struments sierâts o no-libars inte infrastruture di Fedora cuant che nol è pratic doprâ o no son disponibii struments vierts e libars.

  • Viodût che o din valôr ae partecipazion pitost che ae burocrazie rigorose (fondament 'Amîs' - Friends par inglês), i candidâts pes elezions di Fedora a puedin jessi acetâts jenfri un periodi resonevul daspò il tiermin. Dut câs, viôt che chest al podarès significâ jessi fûr des intervistis su Fedora Magazine, riunions e altris oportunitâts par fâsi campagne promozionâl.

  • Il consei nol fâs obiezions a events tignûts in lenghe locâl o in inglês e si puedin tignî events separâts se si à plui publics. O sburtìn i organizadôrs di events a specificâ la lenghe(-is) pal lôr event.

  • I bêçs dal belanç no spindûts tal program dal event di 150$ a vignaran inserîts tal belanç dal consei ae fin di ogni trimestri fiscâl.

  • Il consei di Fedora al pues sielzi di ritirâ il supuart di Fedora a events o altris ativitâts che a implichin il patrocini o l’ûs des marchis di Fedora, tal câs che al determini che la partecipazion no je tai interès dal progjet Fedora. Lis decisions di ritirâ il supuart a vignaran publicadis in sedis dopradis di norme pes decisions consiliârs. La delibere e lis motivazions pe decision a àn di sei publichis par ce che al è pussibil. Il consei si impegnarà cul comitât/grup/scuadre che al è coinvolt cul event in cuistion par sigurâsi che il lôr pont di viste al sedi considerât.