Comitât pes prioritâts de infrastuture

Il consei di Fedora al manten une Tabele di monitorament pai progjets de infrastruture. Chest al varès di servî a dâ un sisteme sempliç e public par tignî di voli e gjesti lis ideis a alt-nivel dai progjets de infrastruture che a son stâts inviâts al grup de Inzegnerie de plateforme de comunitât (CPE).

Acès

Ducj i membris corints dal consei di Fedora a àn i privileçs sul forum par creâ e modificâ lis testemoneancis di utent. I membris de comunitât che a àn sugjeriments a puedin domandâ l’acès o domandâ a un membri dal consei che al puarti indenant il sugjeriment.

Flus di lavôr

Si à di creâ lis ideis pai progjets de infrastruture, di inviâ al CPE, come testemoneancis di utent, inte colone ideas. A chest pont nol covente vê une idee disvilupade ad implen. Dut câs, tu âs di lassâ un nivel suficient di descrizion te testemoneance di utent par spiegâ ce che al ven domandât e parcè. I colegaments a contignûts esistents (gjestôrs problemis, Bugzilla, documentazion, e v.i) a van ben; nol covente copiâ dut il contignût di supuart.

No tu sês obleât a cjapâti la proprietât dai progjets che tu sugjerissis. Dut câs no tu âs nancje di assumi che altris a cjaparan in man i progjets cence proprietaris.

Cuant che cualchidun al desidere cjapâ la proprietât pal disvilup de idee intun concet plui disvilupât, la testemoneance dal utent e à di vignî spostade te colone Writing. In cheste fase, i membris dal consei che a àn chest compit, a scugnin segnâsi come assegnataris. Scrîf un document di recuisîts (clamât ancje "epic brief") in acuardi cui recuisîts dal grup CPE. Cuant che il document di recuisîts al è pront pe discussion e pe revision, zonte un colegament tal cjamp Requirements doc de testemoneance dal utent.

Prime de riunion di planificazion trimestrâl dal CPE, il consei al discutarà i progjets pronts e al determinarà cuâi inviâ al CPE. I progjets invitâts al CPE a vignaran spostâts te colone Submitted to CPE.

Se un progjet al ven selezionât dal CPE, al vignarà spostât te colone In Progress. Cuant che a son disponibii, si varès di zontâ i colegaments aes istancis Taiga o Jira dal CPE, in corispondence dal cjamp su la testemoneance dal utent. Cuant che un progjet al ven completât, al vignarà spostât te colone Done.

I progjets che no son stâts selezionâts o a son fêrs a restaran cussì fintal prossim trimestri. Pai progjets che a vegnin refudâts o bandonâts si à di eliminâ la testemoneance dal utent.