Code dai cartelins dal consei

Il consei di Fedora al dopre une code dai cartelins par tignî iniments lis decisions e altris lavôrs. Cuant che si vierç un cartelin par domandâ une decision dal consei, par plasê descrîf ben il probleme ma soredut fâs une domande esplicite (o miôr, une propueste) di valutâ. Se tu stâs cirint di scomençâ une discussion, considere la idee di publicâle prime su la mailing list council-discuss.

No sta vierzi segnalazions sul codiç di condote tal segnadôr di problemis dal consei. Chei a àn di sei vierts tal segnadôr di problemis dal codiç di condote.

Prioritâts dai problemis

Pal moment il consei al dopre chestis prioritâts pai cartelins:

  • OMG Urgent!!!1: si scugne agjî sul cartelin in mût asincron a pene pussibil.

  • Needs Review (predefinît): si scugne esaminâ il cartelin pe prioritât.

  • Next Meeting: si varès di frontâ il cartelin ae prossime riunion.

  • Coming up: il cartelin al à une prioritât basse.

  • Waiting on {Assignee, Reporter, External}: il cartelin al ven blocât su azion o volontât di cualchidun.

Etichetis dai problemis

Il consei al dopre etichetis par indicâ l’argoment dai problemis. Si varès di meti plui etichetis cuant che al covente.

  • budget: problemis di cuotis tal cuadri gjenerâl

  • code-of-conduct:

  • documentation

  • elections

  • events

  • hackfests

  • mindshare: relatîf al comitât di notorietât e difusion di Fedora

  • objectives

  • policies

  • spending-request: pes assegnazions in cors

  • ticket-vote: al indiche un probleme che i membris dal consei a varessin di votâi parsore

  • trademarks

Vôt

Cuant che si domande un vôt, si varès di aplicâ la etichete ticket-vote. I membris dal consei a àn di votâ lassant un coment +1 (a favôr), 0 (astignût/nissune opinion/contrari in mût debil) o -1 (contrari). Se a son stadis fatis plui propuestis o plui versions di une propueste, par plasê indiche a ce che si riferìs il vôt. I membris dal consei a puedin dâ contignûts adizionâls par spiegâ il lôr vôt, ma a àn distès di indicâ in maniere esplicite se si apliche +1, 0 o -1.

Lis politichis pal vôt e la aprovazion a son spiegadis di une altre bande.