Documentation for a newer release is available. View Latest

Benvignûts in Fedora

Il Progjet Fedora e je une associazion tra membris de comunitât dal software libar di dut il mont. Il Progjet Fedora al cree comunitâts open source e al prodûs une distribuzion Linux clamade Fedora.

L’obietîf dal Progjet Fedora al è chel di vuidâ l’avanzament dal software e dai contignûts libars e open source come comunitât colaborative. I trê elements di cheste mission a son clârs:

  • Il Progjet Fedora al ponte a vuidâ, no a stâ daûr.

  • Il Progjet Fedora al cîr simpri di creâ, miorâ e difondi codiç e contignûts libars.

  • Il Progjet Fedora al à sucès gracie ae azion condividude di tantis personis di dute la nestre comunitât.

Par vê informazions gjenerâls su Fedora, fâs riferiment a chestis pagjinis sul Wiki dal Progjet Fedora:

Âstu bisugne di aiût?

A son varis puescj dulà podê otignî assistence in câs di problemis.

Se tu cjatis un probleme e tu âs bisugne di assistence, va su https://ask.fedoraproject.org. Lì tu cjatarâs za tantis rispuestis ma, se no tu cjatis ce che ti covente, tu puedis publicâ cun facilitât une gnove domande. Chest al à il vantaç che ancje ducj chei altris che a àn il stes probleme a podaran vê rispueste.

Tu puedis ancje cjatâ assistence sul canâl #fedora su la rêt IRC irc.freenode.net. Ten iniments che il canâl al è frecuentât di volontaris che a desiderin judâ, ma nol è dite che la cognossince de int in merit a specifics argoments e sedi disponibile.

Desideristu contribuî?

Tu puedis judâ la comunitât dal Progjet Fedora a miorâ cun costance Fedora segnalant erôrs o domandant mioraments. Fâs riferiment a Erôrs e richiestis di funzionalitâts sul Wiki di Fedora par vê plui informazions su cemût fâ segnalazions. Graciis pe partecipazion.