Documentation for a newer release is available. View Latest

Panoramiche dal hardware

Fedora 32 al furnìs software adat a une grande varietât di aplicazions. I recuisîts di archiviazion, memorie e elaborazion a variin in base al ûs. Par esempli, un servidôr par basis di dâts cun trafic elevât al à bisugne di tante plui memorie e spazi di archiviazion rispiet a un computer aziendâl, che a sô volte al à recuisîts plui elevâts rispiet a une machine virtuâl par une singule finalitât.

Configurazion minime di sisteme

Lis figuris chi sot a son a son un minim conseât pe instalazion predefinide. I tiei recuisîts a puedin jessi diferents e la plui part des aplicazions a zovaran dal vê plui risorsis di chês minimis.

  • Processôr a 1GHz o plui svelt

  • 2GB di memorie di sisteme

  • 10GB di spazi su disc no assegnât

I utents di sistemis che a montin la memorie minime di 1GB a podaressin considerâ lis distribuzions Fedora Spins cun ambients di scritori che a domandin mancul risorsis

Instalazions cun pocje memorie

Fedora 32 al pues vignî instalât e doprât su sistemis cun risorsis limitadis, par cualchi aplicazion. Pai sistemis cun pocje memorie a son conseadis instalazion vie test, VNC o kickstart, rispiet a chês grafichis. I insiemis di pachets grancj a àn bisugne di plui memorie dilunc la instalazion, duncje i utents cun mancul di 768MB di memorie di sisteme a podaressin vê plui furtune fasint une instalazion minimâl e, intun secont moment, zontant i pachets interessâts.

Par vê i miôrs risultâts su sistemis cun mancul di 1GB di memorie, dopre la imagjin di instalazion di DVD.

Configurazion di sisteme racomandade

Lis figuris chi sot a son conseadis pe instalazion predefinide di postazions di lavôr x86_64, che a doprin il scritori Gnome. I tiei recuisîts a podaressin jessi diferents, in base al ambient-scritori e al gjenar di utilizazion.

  • 2GHz dual core processor

  • 4GB di memorie di sisteme

  • 20GB di spazi su disc no assegnât

Instalazions cun pocje memorie

Fedora 32 al pues vignî instalât e doprât su sistemis cun risorsis limitadis, par cualchi aplicazion. Pai sistemis cun pocje memorie a son conseadis instalazion vie test, VNC o kickstart, rispiet a chês grafichis. I insiemis di pachets grancj a àn bisugne di plui memorie dilunc la instalazion, duncje i utents cun mancul di 768MB di memorie di sisteme a podaressin vê plui furtune fasint une instalazion minimâl e, intun secont moment, zontant i pachets interessâts.

Par vê i miôrs risultâts su sistemis cun mancul di 1GB di memorie, dopre la imagjin di instalazion di DVD.

Risoluzion visôr

Compatibil cun VGA a risoluzion schermi di 1024×768

La instalazion grafiche e à bisugne di une risoluzion di 800×600 o plui grande

La instalazion grafiche di Fedora e à bisugne di une risoluzion di schermi minime di 800×600. I proprietaris di dispositîfs cun risoluzions plui bassis, come cualchi netbook, a varessin di doprâ instalazions vie test o VNC.

Une volte instalât, Fedora al supuartarà chescj dispositîfs a basse risoluzion. I recuisîts minims di risoluzion si riferissin dome ae instalazion grafiche.

Hardware grafic

Hardware minim pai scritoris acelerâts

Fedora 32 al supuarte la plui part dai adatadôrs grafics. I ambients di scritori modernis e siôrs di funzionalitâts come GNOME3 e KDE Plasma Workspaces a doprin dispositîfs video par furnî scritoris acelerâts in 3D. Al è pussibil che l’hardware grafic vieri nol supuarti la acelerazion:

  • Intel precedent a GMA9xx

  • NVIDIA precedent a NV30 (serie GeForce FX5xxx)

  • Radeon precedent a R300 (Radeon 9500)

Grafiche acelerade de CPU

I sistemis plui vieris o cence dispositîfs di acelerazion grafiche a puedin acelerâ i ambients di scritori doprant la tecnologjie LLVMpipe, che e dopre la CPU par elaborâ e rapresentâ la grafiche. LLVMpipe al à bisugne di un processôr cun estensions SSE2. Lis estensions supuartadis dal to processôr a son listadis te sezion flags: di /proc/cpuinfo

Sielte di un ambient di scritori pal to hardware

L’ambient scritori predefinît di Fedora 32, GNOME3, al funzione pal miôr cu la acelerazion hardware. I scritoris alternatîfs a son racomandâts pai utents cun hardware grafic vieri o che a viodin prestazions insuficientis cun LLVMpipe.

Al è pussibil zontâ ambients di scritori a une instalazion esistente e selezionâlis al acès. Par listâ i scritoris disponibii, dopre il comant dnf grouplist:

# dnf grouplist -v hidden | grep Desktop

Instale il grup desiderât:

# dnf groupinstall "KDE Plasma Workspaces"

Opûr, dopre il non curt dal grup par instalâ:

# dnf install @mate-desktop-environment