Inzornâ il to sisteme atuâl
Chest cjapitul al spieghe cemût inzornâ la tô instalazion esistente di Fedora ae version corinte. A son dôs manieris di base par fâlu:
- Avanzâ di version in automatic doprant dnf system upgrade
-
La maniere preferide par avanzâ di version il to sisteme al è chel di avanzâ in automatic doprant la utilitât dnf system upgrade. Par informazion su cemût eseguî un avanzament automatic, viôt il Fedora Wiki DNF system upgrade.
- Tornâ a instalâ a man
-
Invezit di fâ afidament a dnf system upgrade, tu puedis avanzâ ae ultime version di Fedora a man. Chest al compuarte l’inviâ l’instaladôr come se tu fasessis une instalazion di 0, fasint in mût che al rilevi il sisteme Fedora esistent e lant a sorescrivi la partizion lidrîs, preservant i dâts su chês altris partizions e volums. Al è pussibil doprâ il stes procès par tornâ a instalâ il sisteme, se ti covente. Par informazions detaiadis, viôt Avanzâ o tornâ a instalâ il sisteme a man.
|
Fâs simpri il backup dai tiei dâts prime di eseguî un avanzament o prime di tornâ a instalâ il sisteme, nol impuarte il metodi che tu sielzis. |
Avanzâ o tornâ a instalâ il sisteme a man
Purtrop no vin ancjemò scrit chest cjapitul e no je nancje documentazion dedicade sul Wiki su cemût tornâ a instalâ in mût manuâl. Ma intant prime che o ledin a meti un blec a cheste fale, tu puedis provâ a scomençâ la instalazion in mût normâl (di un CD/DVD/USB inviabil), selezionâ il partizionament manuâl tal instaladôr e tornâ a doprâ lis partizions esistentis invezit che distruzilis e creâ’nt di gnovis. Te plui part dai câs al sarà facil adatâ ae to situazion lis istruzions su Partizionament manuâl.
Want to help? Learn how to contribute to Fedora Docs ›