Benvignûts in Fedora

Il Progjet Fedora e je une cooperazion tra membris de comunitât dal software libar di dut il mont. Il Progjet Fedora al svilupe comunitâts di software open source e al prodûs une distribuzion Linux clamade Fedora.

La mission dal Progjet Fedora e je chê di vuidâ, come comunitât colaborative, il progrès dal software e dai contignûts libars e a codiç viert. I trê elements di cheste mission a son clârs:

  • Il Progjet Fedora al ponte simpri a vuidâ, no a stâ daûr.

  • Il Progjet Fedora al cîr cun costance di creâ, miorâ e difondi codiç e contignûts libars.

  • Il Progjet Fedora al à sucès gracie ae azion condividude de bande di tantis personis di dute la nestre comunitât.

Pa cjatâ plui informazions gjenerâls su Fedora, fâs riferiment a chestis pagjinis sul Wiki dal Progjet Fedora:

Covential jutori?

In câs di problemis tu puedis otignî assistence in varis puescj.

Se ti capite un probleme e tu desideris vê assistence, va su https://ask.fedoraproject.org. Tu cjatarâs za lì tantis rispuestis, ma se no tu 'nt cjatis une al to probleme, tu puedis simpri publicâ une gnove domande. Chest al à ancje il vantaç che ducj chei che a àn il to probleme a podaran cjatâ la rispueste.

Tu puedis cjatâ assistence ancje sul canâl #fedora`su la rêt IRC `irc.freenode.net. Ten iniments che il canâl al è frecuentât di volontaris che a desiderin judâ chei altris, ma a podaressin no vê la cognossince specifiche di particolârs argoments.

Desideristu contribuî?

Tu puedis judâ la comunitât dal Progjet Fedora a continuâ a miorâ Fedora segnalant erôrs o domandant mioraments. Fâs riferiment a Erôrs e richiestis di funzionalitâts sul Wiki di Fedora par vê ulteriôrs informazions su cemût fâ segnalazions. Ti ringraciìn pe partecipazion.