Codiç di condote

La comunitât di Fedora e je fate di un miscliç di professioniscj e volontaris di dutis lis bandis dal mont. Cheste int e lavore su ogni part de distribuzion, de stesure dal codiç fin ae comercializazion. La diviersitât e je une des nestris plui grandis fuarcis, ma e pues ancje puartâ a problemis di comunicazion o avilizions. Par cheste reson o ven cualchi regule di base che o domandin che la int e rispieti par chês voltis che a doprin lis risorsis dal progjet.

Cheste no je une liste esaustive des robis che no tu puedis fâ. Cjapile invezit cul spirt che si è ispirade - une vuide par facilitâ il jessi ecelents cun chei altris.

  • Sei premurôs. Il to lavôr al vignarà doprât di altris personis e, cuant che e sarà la tô volte, tu tu dipendarâs dal lavôr di altris. Dutis lis decisions che tu cjapis a varan efiet su utents e coleghis, tu varâs di tignî in considerazion lis conseguencis cuant che tu decidis alc.

  • Sei rispietôs. No si è simpri ducj d’acuardi, ma il disacuardi no je une scuse par un compuartament sbaliât o maleducât. Ducj nô o podìn vê moments di frustrazion, ma no podìn permeti a chê frustrazion di diventâ un atac personâl. Al è impuartant visâsi che une comunitât dulà che lis personis no si sintin ben o si sintin menaçadis no je une comunitât produtive. I membris de comunitât di Fedora a àn di jessi rispietôs cuant che a àn a ce fâ cun altris colaboradôrs e cussì ancje cu lis personis fûr de comunitât di Fedora e cui utents di Fedora.

Cuant che o sin in disacuardi o cirin di capî parcè. I disacuardis, sociâi e tecnics, a sucedin simpri e Fedora no je une ecezion. Al è impuartant che o risolvedin i disacuardis e lis viodudis diferentis in maniere costrutive.

Visiti che o sin diferents. La fuarce di Fedora e rive de so comunitât variegade, int cun esperiencis e cognossincis diferentis. Personis diferentis a àn diferentis prospetivis sui problemis. No rivâ a capî parcè che cualchidun al ten une posizion suntun argoment nol significhe che al sta sbaliant. No sta dismenteâ che al è uman sbaliâ e incolpâsi l’un cul altri nol puarte di nissune bande. Invezit cîr di da une man a risolvi i problemis e a judâ a imparâ dai erôrs.

Se tu âs viodût o tu sês stât part di un event che tu crodis che al vedi violât chest codiç, par plasê segnalilu vierzint un cartelin privât in Code of Conduct Repository. Il to cartelin al varà di includi la tô descrizion dal event e cualsisei informazion rilevante. Chest cartelin al vignarà gjestît dal Responsabil dal Progjet Fedora e dal Coordenadôr di Impat e Azion de Comunitât Fedora, adun cun altris memebtis dal Consei Fedora e il grup di Legâi di Fedora/Red Hat, come cu va.

Se tu âs cualsisei domande o coment su chest codiç, par plasê vierç un cartelin tal Fedora Council Repository.