La direzion di Fedora

Il Progjet Fedora al è vuidât dai colaboradôrs di dute la comunitât. Areis funzionâls diferentis di Fedora cualchi volte a evolvin, a costruissin o a sdrumin i lôr vertiçs formâi (o informâi!) cul passâ dal timp. Par vie che Fedora al è un progjet a codiç viert (open source), o incoragjin i gnûfs colaboradôrs a identificâ problemis, cjatâ soluzions e colaborâ cun altris membris par rivâ a risultâts. La nestre comunitât e ricognòs e e autorize i cjâfs e i cjapitanis plui brâfs, tra la nestre int.

Il Progjet Fedora al smire a vê un fin strât di guvier che al permet di cjapâ decisions cence tantis liendis.

Chei chi sot a son esemplis atuâi di grups di comant in Fedora.

Consei di Fedora

council badge

Il Consei di Fedora al è il plui alt cuarp di comant e guvier in Fedora e al è fat di membris designâts e elets di dute la comunitât di Fedora. Detais sul Consei come dimension, costituzion e plans di sucession si cjatin intal At costitutîf dal Consei di Fedora.

Il Responsabil dal Progjet Fedora (o "FPL") al serf come president dal Consei.

Comitât diretîf di inzegnerie di Fedora

fesco badge

Il Comitât diretîf di inzegnerie di Fedora (cognossût come "FESCo") al è un cuarp elet de comunitât autorizât dal Consei par gjestî lis funzionalitâts tecnichis de distribuzion di Fedora e lis specifichis implementazions de politichi tal Progjet Fedora. Tu puedis cjatâ plui informazions su FESCo, i siei membris e lis sôs politichis tes pagjinis wiki di FESCo.

Comitât di notorietât e difusion di Fedora

Il comitât di notorietât e difusion al rapresente il comant pe cressite e pal supuart de comunitât di utents e colaboradôrs.

Altris grups

La liste parsore no je une liste complete di ducj i grups dai membris de comunitât autorizâts. Ancje altris grups a governin specifichis parts di Fedora, autorizâts e supuartâts dai grups pertinents. La liste parsore e mostre i trê grups di comant che plui dispès a lavorin su problemis di politiche o pratichis che a tocjin largjis porzions dal Progjet Fedora.

I membris de comunitât a son simpri sbruntâts a jessi cjapâts dentri inte conduzion di Fedora, te maniere che e je par lôr impuartant. Tal stes timp minimizant lis spesis tal lôr complès e il lavôr di guvier di dut il progjet.

Grups di lavôr

Lis edizions di Fedora — pal moment, Atomic, Server, and Workstation, — e cualchi volte i Obietîfs dal Progjet Fedora a son vuidâts dai grups di lavôr. Chescj grups o a son sot-comitâts indipendents di FESCo, Notorietât e difusion, o il Consei. I grups a àn une apartignince formâl e procès decisionâi, ma in gjenerâl la apartignince e je intindude a includi i colaboradôrs atîfs, cussì che la fuarce decisionâl e riflet chest aspiet. Par partecipâ in maniere significative al lavôr su lis Edizions o sui Obietîfs, nol è par nuie necessari un puest tal grup di lavôr.

Sot-progjets

I Sot-progjets a son lis areis principâls di impegn che di un pieç di timp a son sot de ombrene di Fedora. Ogni sot-progjet al à il so guvier.

Grups di interès speciâi

I Grups di interès speciâi, o "SIGs", a son mancul formâi. Il procès par creâ un SIG nol à burocrazie. Diferents SIGs a àn diferentis struturis; cualchidune e dopre vôts formalizâts e altris no. Cualchi SIG al pues ancje deventâ un sot-progjet; par altris, la struture lizere e je perfete.