ຄູ່ມືຜູ້ໃຊ້ Fedora Atomic Desktops

ໂດຍທົ່ວໄປແລ້ວ, Fedora Atomic Desktops ແມ່ນຮູບແບບທີ່ອີງຕາມອິເມຈຂອງເວີຊັນ Fedora (ໂໝດແພັກເກດ) ຂອງພວກມັນ:

ພວກມັນມີຮູບລັກສະນະ, ຄວາມຮູ້ສຶກ ແລະ ການເຮັດວຽກຄືກັນກັບລະບົບປະຕິບັດການເດດທັອບທົ່ວໄປ, ແລະ ປະສົບການການນຳໃຊ້ແມ່ນຄ້າຍຄືກັບສິ່ງທີ່ເຈົ້າພົບໃນການນຳໃຊ້ລະບົບ Fedora ແບບມາດຕະຖານ (ໂໝດແພັກເກດ).

ຢ່າງໃດກໍຕາມ, ມັນແຕກຕ່າງຈາກລະບົບປະຕິບັດການອື່ນໆ, Fedora Atomic Desktops ແມ່ນອີງຕາມຮູບແບບອິເມຈ, ໂດຍໃຊ້ລະບົບໄຟລ໌ຮາກ (root filesystem) ແບບອ່ານໄດ້ຢ່າງດຽວ (ບາງຄັ້ງເອີ້ນວ່າ immutable ຫຼື ບໍ່ສາມາດປ່ຽນແປງໄດ້). ນີ້ໝາຍຄວາມວ່າທຸກໆການຕິດຕັ້ງຈະຄືກັນກັບການຕິດຕັ້ງອື່ນໆຂອງເວີຊັນດຽວກັນ. ລະບົບໄຟລ໌ຮາກຂອງລະບົບປະຕິບັດການທີ່ຢູ່ໃນດິດແມ່ນຄືກັນທຸກປະການຈາກເຄື່ອງໜຶ່ງໄປຫາອີກເຄື່ອງໜຶ່ງ, ແລະ ມັນຈະບໍ່ມີການປ່ຽນແປງໃນຂະນະທີ່ຖືກນຳໃຊ້.

ການອອກແບບທີ່ອີງຕາມຮູບແບບອິເມຈຂອງ Fedora Atomic Desktops ແມ່ນມີຈຸດປະສົງເພື່ອເຮັດໃຫ້ມັນມີຄວາມໝັ້ນທ່ຽງຫຼາຍຂຶ້ນ, ຫຼຸດຜ່ອນການເກີດບັກ, ແລະ ງ່າຍຕໍ່ການທົດສອບ ແລະ ພັດທະນາ. ສຸດທ້າຍ, ການອອກແບບຂອງ Fedora Atomic Desktops ຍັງເຮັດໃຫ້ມັນເປັນແພລັດຟອມທີ່ດີເລີດສຳລັບແອັບພລິເຄຊັນໃນຮູບແບບຄອນເທນເນີ ລວມທັງການພັດທະນາຊອບແວທີ່ອີງໃສ່ຄອນເທນເນີ. ໃນແຕ່ລະກໍລະນີ, ແອັບພລິເຄຊັນ (ແອັບ) ແລະ ຄອນເທນເນີ ຈະຖືກແຍກອອກຈາກລະບົບຫຼັກ (host system), ເຊິ່ງຊ່ວຍເພີ່ມຄວາມໝັ້ນທ່ຽງ ແລະ ຄວາມເຊື່ອຖືໄດ້.

ເຕັກໂນໂລຊີຫຼັກຂອງ Fedora Atomic Desktops ຍັງມີຄຸນສົມບັດທີ່ມີປະໂຫຍດອື່ນໆອີກ. ການອັບເດດລະບົບປະຕິບັດການແມ່ນເຮັດໄດ້ໄວ ແລະ ບໍ່ຈຳເປັນຕ້ອງລໍຖ້າການຕິດຕັ້ງ: ພຽງແຕ່ເປີດເຄື່ອງໃໝ່ (reboot) ຕາມປົກກະຕິເພື່ອເລີ່ມນຳໃຊ້ເວີຊັນຖັດໄປ. ດ້ວຍ Fedora Atomic Desktops, ມັນຍັງສາມາດຍ້ອນກັບ (roll back) ໄປຫາເວີຊັນກ່ອນໜ້າຂອງລະບົບປະຕິບັດການໄດ້ ຫາກມີບາງຢ່າງຜິດພາດ.

ໃນກໍລະນີສ່ວນໃຫຍ່, Fedora Atomic Desktops ຈະເຮັດວຽກຄືກັບການຕິດຕັ້ງ Fedora ແບບມາດຕະຖານ (ໂໝດແພັກເກດ), ແລະ ສາມາດນຳໃຊ້ ເອກະສານທົ່ວໄປຂອງ Fedora ໄດ້. ຄູ່ມືນີ້ຈະກວມເອົາສ່ວນທີ່ Fedora Atomic Desktops ແຕກຕ່າງຈາກລະບົບ Fedora ແບບມາດຕະຖານ (ໂໝດແພັກເກດ), ລວມມີ:

ກຸ່ມເປົ້າໝາຍຫຼັກຂອງເອກະສານເຫຼົ່ານີ້ແມ່ນຜູ້ໃຊ້ໃໝ່, ເຊິ່ງບໍ່ຈຳເປັນຕ້ອງມີຄວາມຮູ້ສະເພາະດ້ານ ຫຼື ຄວາມຮູ້ທາງດ້ານເຕັກນິກກ່ຽວກັບລະບົບພາຍໃນຂອງ Fedora Atomic Desktops. ເຖິງຢ່າງໃດກໍຕາມ, ກໍໄດ້ມີການສະໜອງ ຂໍ້ມູນທາງດ້ານເຕັກນິກ ພື້ນຖານບາງສ່ວນໄວ້ໃຫ້ ສຳລັບຜູ້ທີ່ສົນໃຈ ແລະ ຕ້ອງການຮຽນຮູ້ເພີ່ມເຕີມ.