ການກວດສອບ ແລະ ແກ້ໄຂຂໍ້ຜິດພາດດ້ວຍ Toolbx

ອິເມຈ (image) ຂອງ FCOS ຖືກອອກແບບມາໃຫ້ມີຂະໜາດນ້ອຍທີ່ສຸດ ເພື່ອຫຼຸດຜ່ອນຂະໜາດ ແລະ ພື້ນທີ່ສ່ຽງຕໍ່ການຖືກໂຈມຕີ. ນີ້ໝາຍຄວາມວ່າມັນຈະບໍ່ລວມເອົາທຸກເຄື່ອງມືໃນການແກ້ໄຂບັນຫາທີ່ OS ປົກກະຕິອາດຈະມີ. ແທນທີ່ຈະເປັນແນວນັ້ນ, ວິທີການທີ່ແນະນໍາແມ່ນການນໍາໃຊ້ຄອນເທນເນີ (containers) ດ້ວຍເຄື່ອງມື toolbox ທີ່ມີມາໃຫ້ໃນອິເມຈ.

Toolbx ແມ່ນຫຍັງ?

Toolbx ແມ່ນເຄື່ອງມືທີ່ຊ່ວຍໃຫ້ທ່ານສ້າງຄອນເທນເນີທີ່ມີສິດທິພິເສດ (privileged containers) ເພື່ອໃຊ້ໃນການກວດສອບ ແລະ ແກ້ໄຂບັນຫາໃນລະບົບຂອງທ່ານ. ມັນເປັນຕົວຄອບ (wrapper) ຂອງ podman ເຊິ່ງຈະເລີ່ມການເຮັດວຽກຂອງຄອນເທນເນີໃນໄລຍະຍາວ ພ້ອມກັບການຕັ້ງຄ່າ mounts ແລະ namespaces ເລີ່ມຕົ້ນ ເພື່ອອຳນວຍຄວາມສະດວກໃນການກວດສອບລະບົບຫຼັກ (host system).

ຄອນເທນເນີເຫຼົ່ານີ້ສາມາດນໍາໃຊ້ເພື່ອຕິດຕັ້ງເຄື່ອງມືຕ່າງໆທີ່ທ່ານອາດຈະຈໍາເປັນຕ້ອງໃຊ້ໃນການແກ້ໄຂບັນຫາ.

ການນຳໃຊ້ Toolbx

ທ່ານສາມາດສ້າງ toolbox ໃໝ່ໄດ້ໂດຍການລັນຄໍາສັ່ງລຸ່ມນີ້. ໃນການລັນຄັ້ງທຳອິດ ມັນຈະຖາມວ່າທ່ານຕ້ອງການດາວໂຫຼດອິເມຈ (image) ຫຼືບໍ່. ໃຫ້ຕອບຕົກລົງດ້ວຍ y.

toolbox create my_toolbox

ຈາກນັ້ນທ່ານສາມາດສະແດງລາຍຊື່ toolbox ທັງໝົດທີ່ກຳລັງເຮັດວຽກຢູ່ໃນລະບົບຫຼັກ. ນີ້ຈະສະແດງ toolbox ທີ່ທ່ານຫາກໍ່ສ້າງໃໝ່. ໃນກໍລະນີນີ້, ມັນມີຊື່ວ່າ my_toolbox.

toolbox list

ຕາມທີ່ລະບຸໄວ້ໃນຜົນລັດຂອງຄໍາສັ່ງ toolbox create my_toolbox, ທ່ານສາມາດປ້ອນຄໍາສັ່ງຕໍ່ໄປນີ້ເພື່ອເຂົ້າໄປໃນ toolbox ຂອງທ່ານ.

toolbox enter my_toolbox

ເມື່ອທ່ານຢູ່ໃນຄອນເທນເນີແລ້ວ, ທ່ານສາມາດນໍາໃຊ້ຕົວຈັດການແພັກເກດ dnf ທີ່ມີມາໃຫ້ເພື່ອຕິດຕັ້ງແພັກເກດຕ່າງໆ. ຕົວຢ່າງ, ໃຫ້ຕິດຕັ້ງ strace ເພື່ອກວດສອບ read syscall ທີ່ເຮັດໂດຍເຄື່ອງມື toolbox ຂອງລະບົບຫຼັກ.

sudo dnf install strace
# ບາງໄດເຣັກທໍຣີຂອງລະບົບຫຼັກຖືກ mount ໄວ້ທີ່ /run/host
strace -eread /run/host/usr/bin/toolbox list

ເມື່ອສຳເລັດການນຳໃຊ້ຄອນເທນເນີແລ້ວ, ທ່ານສາມາດອອກຈາກຄອນເທນເນີ ແລະ ລຶບມັນອອກຈາກລະບົບຫຼັກດ້ວຍຄໍາສັ່ງຕໍ່ໄປນີ້.

toolbox rm --force my_toolbox

Toolbx ອະນຸຍາດໃຫ້ທ່ານສ້າງ toolbox ດ້ວຍອິເມຈ (images) ທີ່ທ່ານກຳນົດເອງ. ທ່ານສາມາດເບິ່ງລາຍລະອຽດເພີ່ມເຕີມໄດ້ທີ່ toolbox manpages.

Want to help? Learn how to contribute to Fedora Docs ›