ການຂຽນບົດຄວາມ

ເລືອກ

ເຈົ້າສາມາດ ສະເໜີບົດຄວາມຂອງເຈົ້າເອງ ໄດ້ສະເໝີ.

ຫຼື

ເຈົ້າອາດຈະຢາກກວດເບິ່ງບົດຄວາມໃນຖັນ #fm-stalled ຢູ່ໃນ ກະດານ Kanban ຂອງ Fedora Magazine.

ຖ້າຫົວຂໍ້ໃດໜຶ່ງຖືກສະເໜີຂຶ້ນມາ ແຕ່ບົດຄວາມນັ້ນບໍ່ໄດ້ຖືກຂຽນຢ່າງຕໍ່ເນື່ອງ (ບໍ່ມີການເຄື່ອນໄຫວ ຫຼື ການຕອບກັບໃນຫົວຂໍ້ເປັນເວລາຫຼາຍເດືອນ), ພວກມັນຈະຖືກຍ້າຍໄປຢູ່ຖັນ #fm-stalled. ຫົວຂໍ້ເຫຼົ່ານີ້ອາດຈະຍັງຫວ່າງຢູ່.

ຕອບກັບໄປຍັງຫົວຂໍ້ບົດຄວາມ ແລະ ສອບຖາມກ່ຽວກັບສະຖານະ. ຜູ້ຂຽນທີ່ໄດ້ຮັບມອບໝາຍຄວນຈະຕອບກັບ ແລະ ເຈົ້າສາມາດເຈລະຈາກັບພວກເຂົາໄດ້. ຖ້າບໍ່ມີການຕອບກັບ ໃຫ້ແຈ້ງບັນນາທິການໃຫ້ຊາບວ່າເຈົ້າສົນໃຈ ແລະ ມັນສາມາດຖືກມອບໝາຍໃຫ້ເຈົ້າ ພ້ອມທັງຍ້າຍໄປຖັນ #fm-in-progress ໃນ ກະດານ Kanban.

ມອບໝາຍ

ຖ້າເຈົ້າສະເໜີບົດຄວາມ ແລະ ມັນໄດ້ຮັບການອະນຸມັດ, ບັນນາທິການຈະຍ້າຍມັນໄປທີ່ຖັນ #fm-in-progress ໃນ ກະດານ Kanban.

ຂຽນບົດຄວາມຂອງເຈົ້າ ໃນ WPEngine ຂອງ Magazine (ສ້າງບົດຄວາມໃໝ່ຢູ່ທີ່ນັ້ນ). ຖ້າເຈົ້າຄຸ້ນເຄີຍກັບ WordPress, WPEngine ກໍເຮັດວຽກຄືກັນ. ອ່ານໜ້າ ຄຳແນະນຳໃນການຂຽນ ສຳລັບຄຳແນະນຳສະເພາະກ່ຽວກັບຮູບແບບການຂຽນທີ່ພວກເຮົາຕ້ອງການ.

ນີ້ຄືແມ່ແບບທີ່ເຈົ້າສາມາດນຳໃຊ້ ເພື່ອຈັດໂຄງສ້າງບົດຄວາມຂອງເຈົ້າໃຫ້ດີ, ແລະ ເຮັດໃຫ້ມັນມີປະໂຫຍດທີ່ສຸດຕໍ່ຜູ້ອ່ານ. ໃຫ້ແນ່ໃຈວ່າເຈົ້າໄດ້ປ່ຽນສະຖານະບົດຄວາມຈາກ Draft (ຮ່າງ) ເປັນ Pending Review (ລໍຖ້າການກວດສອບ) ເມື່ອເຈົ້າໄດ້ຮັບການອະນຸມັດ. ເຈົ້າຍັງສາມາດໃຊ້ "Enable public preview" (ເປີດການເບິ່ງລ່ວງໜ້າແບບສາທາລະນະ) ຫາກເຈົ້າຕ້ອງການໃຫ້ຄົນອື່ນກວດສອບບົດຄວາມກ່ອນການເຜີຍແຜ່.

ໃນຂະນະທີ່ເຈົ້າຂຽນບົດຮ່າງ, ພະຍາຍາມເຮັດຄວາມເຂົ້າໃຈ ແລະ ປະຕິບັດຕາມ ຮູບແບບ, ໄວຍາກອນ, ແລະ ຄຳແນະນຳ SEO ສຳລັບ Magazine. ຢ່າຂ້າມຂັ້ນຕອນນີ້! ຄຳແນະນຳເຫຼົ່ານີ້ຈະບອກວິທີການນຳໃຊ້ markup, ການຂຽນປະໂຫຍກໃຫ້ດີຂຶ້ນ, ແລະ ເຮັດໃຫ້ບົດຄວາມຂອງເຈົ້າຕິດອັນດັບທີ່ດີໃນເຄື່ອງມືຄົ້ນຫາ. ນອກຈາກນີ້, ຖ້າເຈົ້າຂຽນບົດຄວາມໄດ້ດີ, ບັນນາທິການກໍມີແນວໂນ້ມທີ່ຈະເຜີຍແຜ່ມັນໄດ້ໄວຂຶ້ນ.

ເມື່ອເຈົ້າຮູ້ສຶກວ່າຂຽນບົດຄວາມສຳເລັດແລ້ວ ແລະ ພ້ອມສຳລັບການກວດສອບ, ໃຫ້ແຈ້ງໃນຄຳເຫັນຢູ່ໃນຫົວຂໍ້ສົນທະນາຂອງເຈົ້າ. ບັນນາທິການຈະຍ້າຍມັນໄປທີ່ #fm-ready-for-editing ໃນກະດານ Kanban.

ກະລຸນາໃຫ້ແນ່ໃຈວ່າເຈົ້າໄດ້ແນບລິ້ງ ການເບິ່ງລ່ວງໜ້າ (preview) ຂອງ WPEngine ສຳລັບບົດຄວາມຂອງເຈົ້າໃນຄຳເຫັນຂອງຫົວຂໍ້ສົນທະນາ ເພື່ອໃຫ້ບັນນາທິການສາມາດເຂົ້າເຖິງໄດ້.

ແລະ ນັ້ນຄືທັງໝົດ!

ໝາຍເຫດວ່າໃນບາງກໍລະນີ ບັນນາທິການອາດຈະຮຽກຮ້ອງ ຫຼື ແນະນຳໃຫ້ມີການປ່ຽນແປງໃນບົດຄວາມຂອງເຈົ້າ. ຖ້າສິ່ງນັ້ນເກີດຂຶ້ນ ເຈົ້າຈະໄດ້ຮັບຄຳຕິຊົມໃນຫົວຂໍ້ສົນທະນາບົດຄວາມຂອງເຈົ້າ. ເຊິ່ງຈະມີການສົນທະນາເລື່ອງນີ້ໃນສ່ວນຂອງ ການກວດສອບ (Review).