PHP ເຊິ່ງເປັນພາສາພັດທະນາເວັບທີ່ໄດ້ຮັບຄວາມນິຍົມ ໄດ້ຮັບການອັບເກຣດຈາກເວີຊັນ 7.0 ເປັນ 7.1 ສຳລັບ Fedora 26. ແພັກເກດຕ່າງໆທີ່ສະໜອງສ່ວນເສີມໃຫ້ກັບ PHP ໄດ້ຖືກສ້າງຄືນໃໝ່ເພື່ອໃຫ້ໃຊ້ກັບເວີຊັນໃໝ່ນີ້; ນັກພັດທະນາທີ່ນຳໃຊ້ສ່ວນເສີມຈາກແຫຼ່ງອື່ນໆທີ່ບໍ່ໄດ້ມາຈາກແພັກເກດຄວນທຳການອັບເດດພວກມັນ. ເຖິງວ່າແອັບພລິເຄຊັນ PHP ສ່ວນໃຫຍ່ຈະສາມາດນຳໃຊ້ເວີຊັນໃໝ່ນີ້ໄດ້ໂດຍບໍ່ມີບັນຫາ, ແຕ່ນັກພັດທະນາທີ່ໄດ້ຮັບຜົນກະທົບຄວນກວດສອບລິ້ງລຸ່ມນີ້ເພື່ອເບິ່ງຂໍ້ມູນທີ່ທາງ PHP ຕົ້ນທາງໄດ້ສະໜອງໃຫ້ກ່ຽວກັບການອັບເກຣດ.

Fedora 26 ນຳສະເໜີ Zend ເຊິ່ງເປັນ PHP ແຟຣມເວີກ (framework) ທີ່ໄດ້ຮັບຄວາມນິຍົມໃນເວີຊັນ 3 ໃໝ່ຫຼ້າສຸດ. Zend 3 ມາພ້ອມກັບປະສິດທິພາບທີ່ເພີ່ມຂຶ້ນ, ຮອງຮັບ PHP 7, ປັບປຸງ ເອກະສານປະກອບຂອງໂຄງການ ໃຫ້ດີຂຶ້ນ ແລະ ອື່ນໆ. ສຳລັບຂໍ້ມູນລະອຽດ, ສາມາດເບິ່ງໄດ້ທີ່ການປະກາດເປີດຕົວຈາກຕົ້ນທາງທີ່ Zend Framework 3 ເປີດຕົວແລ້ວ! ຫຼື ຄູ່ມືການຍ້າຍເວີຊັນ ຂອງພວກເຂົາ.