ການນຳໃຊ້ MPI (Message Passing Interface) ໃນ Fedora

ໃນບ່ອນທີ່ຮອງຮັບ, ຊອບແວໃນ NeuroFedora ກໍຖືກສ້າງຂຶ້ນມາພ້ອມກັບການຮອງຮັບ MPI. Fedora ປະກອບມີ MPICH ແລະ OpenMPI ເຊິ່ງເປັນການສ້າງ MPI ໃນຮູບແບບຕ່າງໆ. ຊອບແວສາມາດນຳໃຊ້ໄດ້ກັບອັນໃດອັນໜຶ່ງໃນນີ້, ຫຼື ໃຊ້ໂດຍບໍ່ມີການຮອງຮັບ MPI (ຖ້າມີລຸ້ນທີ່ບໍ່ແມ່ນ MPI ໃຫ້ບໍລິການ).

ຊອບແວທີ່ຖືກສ້າງຂຶ້ນດ້ວຍ MPI ແມ່ນມີໃຫ້ໃນຮູບແບບແພັກເກັດແຍກຕ່າງຫາກສຳລັບແຕ່ລະການສ້າງ MPI:

<software>-mpich
<software>-openmpi

ແພັກເກັດເຫຼົ່ານີ້ສາມາດຕິດຕັ້ງໄດ້ໂດຍໃຊ້ DNF ໃນຮູບແບບດຽວກັນກັບແພັກເກັດທົ່ວໄປ.

ໄຟລ໌ບາຍນາຣີ (Binaries) ທີ່ມາກັບຊອບແວ (ຖ້າມີ) ກໍຈະມີຄຳລົງທ້າຍເພື່ອລະບຸຢ່າງຊັດເຈນວ່າ ກຳລັງໃຊ້ການສ້າງ MPI ໂຕໃດຢູ່:

<binary>_mpich
<binary>_mpi

ຕົວຢ່າງ, NEST ມີໃຫ້ບໍລິການດັ່ງນີ້:

nest-mpich
nest-openmpi

ແລະ ໄຟລ໌ບາຍນາຣີໃນເຫຼົ່ານີ້ມີຊື່ຕາມລຳດັບດັ່ງນີ້:

nest_mpich
nest_openmpi

ໂມດູນສະພາບແວດລ້ອມ MPI

ເພື່ອໃຊ້ງານການສ້າງ MPI, ຕ້ອງມີການໂຫຼດ ໂມດູນສະພາບແວດລ້ອມ ທີ່ເໝາະສົມ. ສິ່ງເຫຼົ່ານີ້ຈະຕັ້ງຄ່າເສັ້ນທາງ (paths) ແລະ ຕົວປ່ຽນສະພາບແວດລ້ອມ (environment variables) ໃຫ້ຖືກຕ້ອງ. ສຳລັບການສ້າງ MPICH:

module load mpi/mpich-$arch # $arch ແມ່ນສະຖາປັດຕະຍະກຳ, ຕົວຢ່າງ x86_64

ສຳລັບການສ້າງ OpenMPI:

module load mpi/openmpi-$arch # $arch ແມ່ນສະຖາປັດຕະຍະກຳ, ຕົວຢ່າງ x86_64

ສະຖາປັດຕະຍະກຳສາມາດກວດສອບໄດ້ໂດຍການໃຊ້ຄຳສັ່ງ uname ໃນເທີມິນໍ (terminal):

uname -m

ໂດຍທົ່ວໄປແລ້ວ ມັນຈະງ່າຍກວ່າທີ່ຈະເພີ່ມບັນທັດເຫຼົ່ານີ້ເຂົ້າໃນໄຟລ໌ ~/.bashrc (ສຳລັບຜູ້ໃຊ້ bash) ເພື່ອໃຫ້ຄຳສັ່ງເຫຼົ່ານີ້ເຮັດວຽກໂດຍອັດຕະໂນມັດໃນທຸກໆຄັ້ງທີ່ເຂົ້າສູ່ລະບົບ.

ໃນບ່ອນທີ່ຈຳເປັນ, ການນຳໃຊ້ຊອບແວຮ່ວມກັບ MPI ແມ່ນມີຄູ່ມືບອກໄວ້ໃນໜ້າແຍກຕ່າງຫາກ.

Want to help? Learn how to contribute to Fedora Docs ›