Politiche di orientament

Il consei di Fedora al identifiche i obietîfs a curt-, medi- e lunc-tiermin necessaris par tignî il progjet te avanvuardie de tecnologjie. La iniziative Fedora.next e à focalizât i risultâts dal progjet sui i câs di utilizazion. Tal 2017, o ven inzornât la declarazion di intindiments par rifleti i cambiaments tal panorame informatic. Vuê, al è masse dificil creâ gnovis soluzions in Fedora.

O fasarìn in mût che la comunitât e podedi creâ soluzions, frontâ problemis specifics dai svilupadôrs e sodisfâ lis esigjencis specifichis dal utent finâl. Lu fasarìn incoragjant e judant i Obietîfs che a puartin i cambiaments necessaris par facilitâ il procès. Chest al acelere la trasformazion di Fedora intune comunitât che e permet la costruzion di soluzions.

Sul dentri, Fedora si concentre sul permeti la costruzion di chestis soluzions. I risultâts di Fedora a son lis Soluzions che i membris de nestre comunitât a costruissin. Il nestri concetrâsi sul permeti nus fâs sperimentâ cence prejudizis o limitazions.

I grups come chei pal dissen, pe documentazion, pe inzegnerie di publicazion, pe garanzie di cualitât e i impachetadôrs a furnissin i blocs di costruzion e a ufrissin servizis a altris grups e memebris de comunitât. I servizis e i blocs d icostruzion a includin: la infrastruture CI, i conseis pe costruzion de comunitât e la sô direzion, finanziament di events, servizis di logo, RPM o altris pachets software, “swag”, provis e convalidis, supuart utent o progjetazion de esperience utent.

Ducj a puedin doprâ i blocs di costruzion, come i pachets software e la grafiche, par creâ une soluzion. Soluzions di esempli a includin: Fedora Workstation, KDE Plasma e il Python Classroom Lab. I grups a definissin i criteris pai servizis che a furnissin ai costrutôrs di soluzions. Par esempli, i grups che a furnissin il supuart promozionâl e di stampe a puedin sielzi di dâ supuart adizionâl aes soluzions cun basis di utence plui grandis.

I grups a son libars di definî i elements des lôr soluzions, come l’intindiment, lis distribuzions e la cjadence di publicazion. I grups a puedin costruî soluzions partint di cualsisei bloc di costruzion e sielzi e cjapâ i struments che di doprâ. In base aes lôr sieltis, a otegnin diviers nivei di pussibilitâts tal doprâ la marche Fedora (p.e. “Fedora Remix” cuintri “Ufiert di” o “Promovût di” cuintri “Fedora”). Cualchi soluzion e je la vetrine principâl che o clamin Edizion; chestis a vegnin dopradis tes provis di jessude pes nestris publicazions.